உலகின் மிகப்பெரிய சமூக வலைத்தளமாக ‘பேஸ்புக்’ திகழ்கிறது. இந்த வலைத்தளத்தை உலகமெங்கும் 144 கோடி பேர் பயனாளர்களாக உள்ளனர். குறிப்பாக இளைய தலைமுறையினர் தூங்கக் கூட மறந்து ‘பேஸ்புக்’ வலைத்தளத்திற்கு அடிமையாகி விடார்கள் என்றால் அது மிகை இல்லை.
இந்நிலையில் இண்டர்நெட் மற்றும் வை-ஃபை நெட் வேகம் குறைவாக இருக்கும் நேரத்தில் பேஸ்புக்கை தடையின்றி பயன்படுத்த வசதியாக ‘லைட்’ என்ற ஆன்ட்ராய்டு ஆப்ஸை வெளியிட்டு நம்மை ஆச்சர்யத்தில் ஆழ்த்தியிருக்கிறது பேஸ்புக் நிறுவனம்.முதற்கட்டமாக ஆசியாவில் மட்டும் வெளியிடப்பட்டுள்ள இந்த ஆப்ஸ் விரைவில் ஐரோப்பா, ஆப்பிரிக்கா மற்றும் லத்தீன் அமெரிக்கா ஆகிய நாடுகளில் வெளியிடப்பட உள்ளது.
இதுபற்றி பேஸ்புக் நிறுவனம் வெளியிட்டுள்ள அறிக்கையில், ‘வளர்ந்த நாடுகளிலும் கூட பல்வேறு இடங்களில் நெட்வொர்க்குகள் வேகமாக இருப்பதில்லை. இதனால், பேஸ்புக்கின் அனைத்து வசதிகளையும் பயன்படுத்த இயலாத நிலை உள்ளது. அதற்கு தீர்வாக இந்த பேஸ்புக் ‘லைட்’ ஆப்ஸ் இருக்கும். இந்த ஆப்ஸ் 1 எம்.பி.க்கும் குறைவான அளவே கொண்டது. இதை ஈஸியாக டவுண்லோடு செய்து இன்ஸ்டால் செய்து கொள்ளலாம். மிக குறைவான இண்டர்நெட் வேகத்தில் பேஸ்புக்கின் நியூஸ் பீடு, ஸ்டேட்டஸ் அப்பேட்டுகள், போட்டோக்கள் மற்றும் நோட்டிபிக்கேஷன்களை எளிதாக எந்த தடையுமின்றி பார்க்க முடியும்’ என தெரிவித்துள்ளது.
இந்த ஆப்ஸை ஆண்ட்ராய்டு மொபைல்களில் மட்டுமே பயன்படுத்த முடியும். பிளே ஸ்டோரில் இருந்து நாம் டவுண்லோடு செய்து கொள்ளலாம்.
0 comments:
இந்த செய்தி தொடர்பான உங்கள் கருத்தை பதிவிடவும்